Europak diru gehiago emanen die bankuei

Europako Batzordeko lehendakaria den Jose Manuel Durao Barroso portugaldarrak atzoko agerraldi batean adierazi zuena betetzen bada, Europak diru gehiago emanen die bankuei finantza-sistema hondoratu gabe mantendu ahal izateko.
Agerikoa da guztiz Europar Batasunaren politika ekonomikoa, milaka lagun -Grezian edo Irlandan esaterako- gero eta baldintza ekonomiko gogorragoak pairatu behar dituztenean, hain zuzen ere Europak euren estatuei paratu dizkien baldintza jasangaitzak betetzeagatik, bonoak eta diru-mozkinak lotsarik gabe heien artean banatzen dituzten bankeroei diru gehiago ematen diete, erabilerarako ia baldintzari gabe, gainera. Ez dezakegulako ahantzi bankoek markatzen dituztela euren kabuz estatuei maileguan ematen dieten kapitalaren interes tipoa eta heiek ere erabakitzen dute nori eman eta nori ez. Neurria, ekonomikoki, lotsagarria da guztiz, ondoko ilustrazioan argi adierazten den bezala.