Berriozarko NaBaik grebari bai

Bihar greba eguna deitua dago Nafarroan, Euskal Herrian bezala, eta Europako hainbat herrialdeetan bezala. Zoritxarrez, beste batzuetan gertatu den bezala, biharkoa ez da deialdi batua, hainbat agente sindikalek ez dutelako bat egiten.
Gure aldetik, jakin badakigun arren, nork bere arrazoiak dituela eta dena ez dela txuri ez beltz, aukeran grebarekin egon behar dela uste dugu. Hauexek dira gure arrazoiak:

·         Krisiaren babes ideologikoaren magalean indar politiko kontserbadoreak eta neoliberalak burutzen ari diren erasoaren aurrean langileriarekin egon behar delako. Oraingoan, aurreko deialdietan bezala, borroka aukera guztiak baliatu behar direlako. Egoera larria da eta arazo partikularrek, garrantzizkoak izan arren, ez lukete borroka orokorra oztopatu behar.

·         Europa mailako deialdi bat delako. Greziar, andaluziar, bretoi  edo portugaldar langileriarekin egoteko aukera bat da; Europako kapitalari aurre egiteko aukera bat da, langileriaren balore internazionalista baiatzeko aukera bat.

·         Azkenean, greba ez delako sindikatu baten edo bestearen patrimonioa, beraz greba egiteak ez du euskaltasuna edo sentipen abertzalea kaltetzen, indartzen du. Abertzaletasuna benetan ulertzeko langile bezala ikuspegi internazionalistarekin jokatu behar delako.  

Ez da gure asmoa eztabaida sakon eta luze bat lerro gutxi batzuetan laburbiltzea, baina ideia nagusiak behintzat aipatuak izan dira eta jarrera defendatua.