Islandiaren eredua berriz ere

Badakigu kanpotik begiratuta gauzak sobera idealizatzeko joera dagoela eta, hain segur, Islandian gauzak ez dira hemendik batzuetan agerrarazten ditugun bezain eder eta errazak.
Dena dela, inportanteena da Islandian kapitalismoaren guruekiko morrontzarik gabe jokatu dutela eta moldeak hausteko gai izan direla.
Hemen, eta Europako beste bazterretan tristeena zera da: Brusela deitzen dugun ente ekonomiko guztiz indartsuak agindu eta gure agintari politikoek obeditu baino ez dutela egiten, kapitalismo basatiari aurre egiteko inolako irudimenik gabe.
Tenorea da "zorra" delako hori ordaintzearen kontra, guk ez baitugu sortu eta ordaintzeak kalte baizik ez digulako egiten. Ordain dezatela heiek, garai batean oparotasunean bizi izan zutena orain "zor" bilakatu den diru-mailegu horiek gozatuz. Bankariek eta bizkarroi politikoek ordain dezatela zorra, baina ez murriztu ezer gastu sozialetan.