Iruñerriko trenbide-buklea 2016 urterako desagerrarazi nahi du Nafarroako Gobernuak

Ostegun 18 eta ostiral 19an Nafarroako Erkidego Autonomikoko egoerari buruzko eztabaida burutzen ari da Nafarroako Legebiltzarrean. Eztabaida Yolanda Barcina Presidente Anderearen solasaldi luzearekin hasi zen, bi ordu eta erdi iraun zuena. Bertan politika kontu hainbat aipatuak izan ziren, modu zabalean gehienak. Presidente Andereak eman dituen konkrezio gutxiren artean Abiadura Handiko Trenaren aldeko erabateko apustu eta konpromisoa agertu da; bere hitzetan hori baita” Nafarrorako azpiegitura estrategiko nagusia Europarekin lotura izateko”.
Berriozarko NaBaikook ez dugu AHTren kontrako jarrera ezkutatzen, are gehiago Espainiako Estatuko  Gobernuak AHTa eraikitzeko diru partidak izoztatu dituen honetan. Izan ere, Kastejon-Iruñea arteko trenbidea egiten bada, zerekin lotuko dute gero?  Zaragoza-Kastejon tartea egin gabe dago, beraz, ez dago Kastejon Aragoiko hiribururaekin lotzerik? Berdin gertatzen da Iruñea-Altsasu tartearekin.
Dena den konpromiso bat ere agertu du Barcina Andereak: 2016rako Iruñeko Geltoki berria eraikita egonen da. Horrek eragin zuzena izanen du Berriozarentzat; geltoki berria eraikiz gero Zizurtik lotu beharko baita Altsasurako trenbidea, eta baztertua geratuko litzateke gaur egun Berriozar zeharkatzen duen trenbide-buklea, Sanduzelaitik datorrena.
Ez dakigu UPNko Gobernuak bere konpromisoa beteko duen ala ez. Une horretan, dena den, gutxiengoan dagoen gobernu honen aginduei hutsal kutsua darie. Hala ere baieztapena botata dago. Galdera, beraz, honakoa da: desagertuko da trenbidea Berriozartik 2016 urterako? Apustuak onartzen dira.